燘燒靚粥 - 遼參瑤柱南瓜肉碎粥

💓燘燒靚粥 - 遼參瑤柱南瓜肉碎粥💓

看似好慘要通街食粥，但我很享受這份遊閒野餐感...

看似食粥好慘，其實如果餐餐可以食到有遼參嘅粥都幾好呀！

上次發的遼參質素十分高，煲完燘完幾小時仲彈牙過魚蛋！雖然不是超大條，但一家人晚飯，過時過節發十條八條同吃都好喜慶架！

記得第一次煲粥時，覺得超難食，點解有陣咁死實咸味（煲湯一樣）！後來才發覺，我不喜歡用白色那些鹽嘅味道，可能湯跟粥都是清淡，用比較差的鹽味道太突出！

現在煲粥，除了用上瑤柱取其鮮味，亦會加幾滴魚露提鮮，而湯則全面轉用盤鹽，超好味！大家可參考下哦！

✨✨✨✨✨✨✨✨✨✨✨✨✨✨✨✨✨✨✨✨

感謝支持志在煮大全

如欲緊貼追蹤志在煮大全最新食譜、飲食及生活分享，歡迎

讚好LIKE我的Facebook粉絲專頁

標籤BOOKMARK我的BLOG部落格

✨✨✨✨✨✨✨✨✨✨✨✨✨✨✨✨✨✨✨✨

紫紫XO醬金銀蒜蒸茄子（附新手不敗茄子紫色大法）

💓紫紫XO醬金銀蒜蒸茄子💓（附新手不敗茄子紫色大法）

靚靚嘅紫色茄子除了做冷盤，熱盤也一樣做得到！只要做足事前功夫將茄子鎖成紫色後再蒸，就萬無一失，視覺味覺同時享受！

材料
茄子 1條
白醋 1茶匙
鹽 1茶匙
油 適量
XO醬 1湯匙
蒜蓉 1湯匙
炸蒜 1湯匙
魚露 2茶匙

步驟
1. 先將平底鑊加入水，白醋，鹽及油燒滾

2. 茄子切件，大小以反轉後茄子面能夠完全接觸水為佳，將茄子全部反轉放入平底鍋煮1分鐘讓茄子表面鎖色

3. 盛起隔乾水，將餘下調味料（XO醬除外）拌勻淋上茄子蒸約10分鐘，加上XO醬即可享用

小秘技
- 茄子選皮膚光滑直身，拿著頭部輕搖，茄子下身柔軟能搖動為之靚
- 蒸茄子時間視乎茄子粗幼度及大家喜好有異，請自行調節

✨✨✨✨✨✨✨✨✨✨✨✨✨✨✨✨✨✨✨✨

感謝支持志在煮大全

如欲緊貼追蹤志在煮大全最新食譜、飲食及生活分享，歡迎

讚好LIKE我的Facebook粉絲專頁

標籤BOOKMARK我的BLOG部落格

✨✨✨✨✨✨✨✨✨✨✨✨✨✨✨✨✨✨✨✨

曼谷Banyan Tree Spa

💓曼谷Banyan Tree Spa💓

鏡頭一轉我哋又黎到曼谷喇...

早幾個星期無啦啦玩即興，少於24小時前竟然無啦啦決定去曼谷，無啦啦住Banyan Tree，無啦啦去Banyan Tree嘆Spa...

Spa花多眼亂，最後做咗佢哋個signature，Royal Banyan, 150分鐘！發覺原來我唔係好享受spa做facial，下次都係按晒個身ok喇！

都唔知因為我係住客定因為我做咗spa，有張6折coupon可以去gallery買spa產品！有6折真係平到笑，我真係想全部都買晒返黎！但因為我個trip太急其實機票酒店已經唔平，所以唯有忍忍手，但都買到做咗member...er...

不知道哪裏感染的習慣，現在晚上會點一支香薰香才進睡，週末沖涼時間可以長一點還會點著香薰蠟燭呢！

✨✨✨✨✨✨✨✨✨✨✨✨✨✨✨✨✨✨✨✨

感謝支持志在煮大全

如欲緊貼追蹤志在煮大全最新食譜、飲食及生活分享，歡迎

讚好LIKE我的Facebook粉絲專頁

標籤BOOKMARK我的BLOG部落格

✨✨✨✨✨✨✨✨✨✨✨✨✨✨✨✨✨✨✨✨

生日月去半島做Spa勁抵 想試要趁生日月喇喂

💓生日月去半島做Spa勁抵 想試要趁生日月喇喂💓

天蠍座嘅我，今年生日正日去了半島做spa，正所謂一生起碼豪一次，讓生日過得relax一點！
成個packageHKD2200，表面上看似幾貴咁！如果大家有做開spa的話，呢個package包120分鐘treatment （半島喎！）, 500g蛋糕（半島喎！）仲有半支裝香檳（半島喎！），已經非常超值！坐擁半島5星級維港景及服務，treatment前享用的sauna及steam，treatment後在relax room望著維港景嘆水果飲五青汁，係整整半天享受架！

生日正日享用此優惠還有小禮物送，同時每一位員工也會跟你講聲“生日快樂”！雖然大家萍水相逢，但亦覺窩心體貼，面都紅晒！

半島選用嘅spa產品真係幾好用，當天我也失手買了支body oil及scrub添！

價錢：HKD2200（已包10%服務費）
註：優惠到今年年尾咋！男女朋友老公老婆爸爸媽媽好友閏蜜或大家係12月之星就趕緊把握時機喇！

✨✨✨✨✨✨✨✨✨✨✨✨✨✨✨✨✨✨✨✨

感謝支持志在煮大全

如欲緊貼追蹤志在煮大全最新食譜、飲食及生活分享，歡迎

讚好LIKE我的Facebook粉絲專頁

標籤BOOKMARK我的BLOG部落格

✨✨✨✨✨✨✨✨✨✨✨✨✨✨✨✨✨✨✨✨

如何沖泡靚靚迷人紫蝶豆花茶

💓如何沖泡靚靚迷人紫蝶豆花茶💓

蝶豆花含豐富花青素，是藍莓的30倍，而且顏色吸引，目不暇給，養生養顏，飲花茶好過飲水呢！

蝶豆花沖泡其實好簡單，只要用60度水溫沖泡，再加點酸性就會變成迷人的紫色，如蜜糖之類，如想開胃一點便加入檸檬汁！當然，用暖水泡來直接飲也可以，就是藍色的哦！

蝶豆花在泰國已經風行了一段時間，但一直沒有機會到此一遊，又不想在九龍城買，於是到今天才真係沖泡自己的第一杯蝶豆花茶！

可能因為配合著悶熱天氣及渡假心情，回港後怎樣也沖不出在曼谷酒店給我的等一杯碟豆花味道呢！

✨✨✨✨✨✨✨✨✨✨✨✨✨✨✨✨✨✨✨✨

感謝支持志在煮大全

如欲緊貼追蹤志在煮大全最新食譜、飲食及生活分享，歡迎

讚好LIKE我的Facebook粉絲專頁

標籤BOOKMARK我的BLOG部落格

✨✨✨✨✨✨✨✨✨✨✨✨✨✨✨✨✨✨✨✨

鮮鮮甜白汁蜆肉意粉

💓鮮鮮甜白汁蜆肉意粉💓

煮意粉通常會加入清雞湯提升鮮味，今次用上煮蜆的上湯加入一同煮成白汁，令白汁鮮甜滿滿，那天然的調味料，是此汁的秘密武器！

材料
意粉 200g
大蜆 1斤
細洋蔥 1個
磨菇 半盒
忌廉 150ml
蒜蓉 1湯匙
黑胡椒 適量
牛油 適量
番荽 適量

步驟
1. 大蜆洗乾淨後加水及一湯匙醋浸半小時，讓大蜆吐沙，之後隔水備用

2. 洋蔥切絲，磨菇切片備用

3. 根據意粉包裝上煮食時間減兩至三分鐘，將意粉加水（水為意粉重量10倍）加油煮熟後盛起備用

4. 小鍋加300ml水煮滾，加入大蜆加蓋煮兩至三分鐘至大蜆開口即盛起拆肉（可保留一些蜆不拆肉令賣相靚啲），剩下蜆湯加大火煮濃至約150ml後剩起備用

5. 中火下牛油及蒜蓉略為爆香

6. 下洋蔥絲炒香炒軟

7. 再下磨菇一同炒至軟身

8. 下忌廉，蜆湯及黑胡椒煮兩分鐘至白汁開始變濃

9. 再加入意粉同煮兩至三分鐘至喜愛口感（此時要留意白汁濃度是否適合，可加大火收汁或加點蜆湯煮開）

10. 最後，關火加入蜆用拌勻，上碟後加番荽裝飾即可享用

小秘技
- 如早了幾小時用了大蜆，可原袋先放入雪櫃，到吐沙時才由雪櫃取出清洗及吐沙（水上人教路）
- 蜆肉可全拆肉，方便小朋友老友記品嚐
- 如蜆湯夠濃，基本上不用加鹽，大家可先試試味
- 白汁凍後會慢慢被意粉再吸收及變濃，所以煮稀一點兒比較穩妥

✨✨✨✨✨✨✨✨✨✨✨✨✨✨✨✨✨✨✨✨

感謝支持志在煮大全

如欲緊貼追蹤志在煮大全最新食譜、飲食及生活分享，歡迎

讚好LIKE我的Facebook粉絲專頁

標籤BOOKMARK我的BLOG部落格

✨✨✨✨✨✨✨✨✨✨✨✨✨✨✨✨✨✨✨✨

自家製蝶豆花茶包。香茅班蘭葉茶包

💓自家製蝶豆花茶包。香茅班蘭葉茶包💓

蝶豆花含豐富花清素，護眼去水腫，好處多多！ 香茅班蘭葉，香氣四溢，安神清熱消滯！快手在曼谷買了些茶葉，入在茶包內方便隨時享用，不會一口茶葉用牙齒隔渣！

送了些茶包給好姊妹作其中手信，想不到眾多手信中，翌日大家在紛紛談論研究這些花茶呢！尤其其中一位姊妹最近工作壓力十分大，分享飲完香茅班蘭葉茶包覺得好舒服，已經問定邊度可以買到喇！（全部都可在九龍城找到）有時我都幾貼心架！

一天時間準備，三天兩夜曼谷single getaway，幾年沒到曼谷，但手到拿來！食咩買咩興咩邊度抵知道晒！點解？

因早在開谷時已經入咗鬼嫁老師的泰國谷！雖然已經好幾年無去泰國，但這是我喜愛的地方，總有機會會到！何況只看看旅遊資訊也好開心呀！

註：蝶豆花茶孕忌

✨✨✨✨✨✨✨✨✨✨✨✨✨✨✨✨✨✨✨✨

感謝支持志在煮大全

如欲緊貼追蹤志在煮大全最新食譜、飲食及生活分享，歡迎

讚好LIKE我的Facebook粉絲專頁

標籤BOOKMARK我的BLOG部落格

✨✨✨✨✨✨✨✨✨✨✨✨✨✨✨✨✨✨✨✨