2016美食博覽掃貨禮成（價錢在相內）

💓2016美食博覽掃貨禮成💓

年年美食博覽最主要的使命係勁買吞拿魚，因為上班日子常常用來做三文治！超市賣20蚊一罐，場內100蚊8罐再餸2罐沙甸魚！起碼都掃返半年貨仔啦！

也買了平常食開的白松露醬，套裝連松露油，可以試試！另外同一店售意大利飯放工快煮也好似幾方便，買了幾包試試！

在場內買酒也是第一次，我買的是日本酒！這支梨酒超好飲，girls talk啱晒情調！日本酒我比較少接觸，見到有細細支Draft Sake而且全店日本人好似好地道咁，而且口味清新，仲又有支Sake送，便買來試下呢！

另外還買了蘇太名醬送給媽媽，場內大概有9折！亦買了罐鮑魚及致癌白豬仔午餐肉呢！

場內很多東西都平，但想到為了平兩蚊買盒一公升北海度3.6牛奶，平一蚊買排益力多等等又重又佔位，返去又無位放，就唔好搞我了！

去美食博覽，我會選擇買新產品，價值高一點可慳多一點，或體積比較細，或輕一點，或有限量禮物送的東西才值得買呢！

當然每人行美食博覽目的目標不同，希望我的分享多少也帶點資訊俾大家！

✨✨✨✨✨✨✨✨✨✨✨✨✨✨✨✨✨✨✨✨

感謝支持志在煮大全

如欲緊貼追蹤志在煮大全最新食譜、飲食及生活分享，歡迎

讚好LIKE我的Facebook粉絲專頁

標籤BOOKMARK我的BLOG部落格

✨✨✨✨✨✨✨✨✨✨✨✨✨✨✨✨✨✨✨✨