回收麵包機 - 白方包第一回

💓回收麵包機 - 白方包第一回💓

回收了同事的麵包機，第一次做方包，每天真的自給自足做早餐了，真開心！展開麵包師傅生涯...

V仔係好玩，Miele係好用，神棍係好神，KA係萬能，AF係方便，但大家都見我好少被毒！無他，因為當諗起要收納就暈，收埋又一定懶得拎出來用！我又不是家庭主婦煮足三四餐，更沒有一屋四五六口，煮一點點太多用具未能好好使用！最怕還是三分鐘熱度，買了唔用或使用率不高（仲要咁大舊唔用好礙眼）好浪費！

我的焗爐是當年朋友抽獎得來的禮物，他們有多送出的，現在我常寵幸，使用率甚高！麵包機是同事已經買了一段日子，只用過一次失敗了沒興趣再研究，近來想買養生機所以想掉麵包機！聽到心痛，於是便膽粗粗舉手回收！

幾好呀，有機會免費試用，不合用掉了不可惜，合用我便成為好主人！有天發現進步了便買進階版，這些機會好難得！

其實現在部機仲方咗地下... 都未諗到點放...

✨✨✨✨✨✨✨✨✨✨✨✨✨✨✨✨✨✨✨✨

感謝支持志在煮大全

如欲緊貼追蹤志在煮大全最新食譜、飲食及生活分享，歡迎

讚好LIKE我的Facebook粉絲專頁

標籤BOOKMARK我的BLOG部落格

✨✨✨✨✨✨✨✨✨✨✨✨✨✨✨✨✨✨✨✨